ຜູ້ນຳໃນການທ່ອງທ່ຽວແບບມີຄວາມຮັບຜິດຊອບ
ລົງນາມໃນຄຳໝັ້ນສັນຍາເພື່ອສະແດງໃຫ້ເຫັນເຖິງຄວາມມຸ່ງໝັ້ນຂອງທ່ານໃນການເດີນທາງແບບມີຄວາມຮັບຜິດຊອບ ແລະ ສ້າງຜົນກະທົບທີ່ຍືນຍົງຕໍ່ອະນາຄົດຂອງປະເທດລາວ. ການລົງນາມແມ່ນຟຣີ ແລະ ທຸກໆ ອົງກອນສາມາດລົງນາມໄດ້.
ການລົງນາມໝາຍຄວາມວ່າແນວໃດ?
ການລົງນາມໝາຍເຖິງວ່າອົງກອນຂອງທ່ານຈະນຳໃຊ້ສິນຄ້າ ແລະ ການບໍລິການຈາກທຸລະກິດທີ່ຜ່ານການຢັ້ງຢືນ Lasting Laos ແລະ Travelife ສຳລັບທຸກໆ ຮູບແບບຂອງການທ່ອງທ່ຽວໃນລາວພາຍໃນປີ 2025. ຄຳມຸ່ງໝັ້ນສັນຍານີ້ລວມເອົາ:
- ໃຫ້ຄວາມສຳຄັນ ແລະ ບູລິມະສິດໃນການເລືອກໂຮງແຮມ, ບໍລິສັດ ແລະ ຕົວແທນບໍລິສັດທ່ອງທ່ຽວທີ່ຜ່ານການຢັ້ງຢືນ Travelife.
- ເລືອກໃຊ້ບໍລິການ ແລະ ໃຫ້ຄວາມສຳຄັນແກ່ທຸລະກິດທີ່ຜ່ານການຢັ້ງຢືນ Lasting Laos ໃນຂະແໜງ ຄົມມະນາຄົມຂົນສົ່ງ, ອາຫານ ແລະ ເຄື່ອງດື່ມ, ຫັດຖະກຳ ແລະ ເຄື່ອງທີ່ລະນຶກ, ແລະ ການທ່ອງທ່ຽວທາງດ້ານວັດທະນະທຳ.
*ໂດຍອີງຕາມພື້ນທີ່ທີ່ມີທຸລະກິດເຫຼົ່ານີ້ ແລະ ຢູ່ພາຍໃຕ້ງົບປະມານຂອງອົງກອນ.
ໂດຍການປະຕິບັດໄປພ້ອມໆ ກັນ, ພວກເຮົາຈະສາມາດສ້າງການປ່ຽນແປງໃຫ້ການທ່ອງທ່ຽວໃນລາວໃຫ້ເປັນການທ່ອງທ່ຽວທີ່ຍືນຍົງຂຶ້ນໄດ້ໃນອະນາຄົດ.
ຜົນປະໂຫຍດຂອງການລົງນາມ
ດ້ວຍການລົງນາມ, ທ່ານໃຫ້ຄຳໝັ້ນສັນຍາວ່າ:
- ສົ່ງເສີມ ການທ່ອງທ່ຽວທີ່ຍືນຍົງໃນລາວ.
- ສະໜັບສະໜູນ ທຸລະກິດທ້ອງຖິ່ນທີ່ໃສ່ໃຈໃນການດຳເນີນທຸລະກິດແບບຍືນຍົງ.
- ອະນຸລັກ ສະພາບແວດລ້ອມທາງທຳມະຊາດ ແລະ ມໍລະດົກທາງວັດທະນະທຳ.
- ເຄົາລົບ ບຸກຄະລາກອນ ແລະ ຜູ້ຄົນທີ່ເຮັດວຽກໃນຂະແໜງການທ່ອງທ່ຽວ.
- ປົກປັກຮັກສາ ຄວາມສວຍງາມຂອງລາວເພື່ອສືບທອດໄປຫາບຸກຄົນໃນລຸ້ນຕໍ່ໄປ.
ສະແດງໃຫ້ເຫັນເຖິງຄວາມມຸ່ງໝັ້ນຂອງທ່ານຕໍ່ສິ່ງແວດລ້ອມ ແລະ ປະຊາຊົນລາວ ດ້ວຍການລົງນາມໃນຕອນນີ້ ແລະ ເປັນຜູ້ນຳດ້ານການທ່ອງທ່ຽວຢ່າງມີຄວາມຮັບຜິດຊອບ.
ອົງກອນທີ່ລົງນາມ
ຄຳໝັ້ນສັນຍາໃນການທ່ອງທ່ຽວແບບຍືນຍົງແມ່ນໄດ້ຖືກຂັບເຄື່ອນໂດຍໂດຍອົງກອນ 2 ແຫ່ງ ໃນ 1 ຂະແໜງການໃນທົ່ວປະເທດ.
