ໃບຢັ້ງຢືນ ລາວຍືນຍາວ
ໃບຢັ້ງຢືນລາວຍືນຍາວເປັນໃບຢັ້ງຢືນໃນລະດັບທ້ອງຖິ່ນທີ່ດັດປັບມາຈາກໃບຢັ້ງຢືນທຣາເວວໄລຟ໌ ທີ່ອອກແບບມາເພື່ອຢັ້ງຢືນຫົວໜ່ວຍທຸລະກິດທ່ອງທ່ຽວໃນຂະແໜງການ: ຄົມມະນາຄົມຂົນສົ່ງ, ອາຫານ ແລະ ເຄື່ອງດື່ມ, ຫັດຖະກຳ ແລະ ເຄື່ອງທີ່ລະນຶກ, ແລະ ການທ່ອງທ່ຽວທາງດ້ານວັດທະນະທຳ.
ການທີ່ທຸລະກິດຖືກຢັ້ງຢືນ Travelife ແລະ Lasting Laos ໝາຍຄວາມວ່າຫຍັງ?
ວິດີໂອອື່ນໆ ສາມາດເບິ່ງໄດ້ ບ່ອນນີ້.
ຂັ້ນຕອນຂອງການອອກໃບຢັ້ງຢືນລາວຍືນຍາວ
ຂັ້ນຕອນການອອກໃບຢັ້ງຢືນ ລາວຍືນຍາວ ສາມາດສະຫຼຸບດ້ວຍຂັ້ນຕອນດັ່ງລຸ່ມນີ້:
ຜົນປະໂຫຍດຂອງການໄດ້ຮັບໃບຢັ້ງຢືນ ລາວຍືນຍາວ
ໃບຢັ້ງຢືນຈະຊ່ວຍໃຫ້ທ່ານໄດ້ພັດທະນາທຸລະກິດຂອງທ່ານໃນດ້ານຂອງຄວາມຍືນຍົງໃນການບໍລິຫານ ແລະ ຄວາມຍືນຍົງຂອງຜູ້ສະໜອງຂອງທ່ານ. ພວກເຮົາຈັດຫາການຝຶກອົບຮົມ ແລະ ໃຫ້ຄຳແນະນຳທີ່ຈຳເປັນແກ່ທຸລະກິດຂອງທ່ານເພື່ອຊ່ວຍໃຫ້ທຸລະກິດຂອງທ່ານຜ່ານບັນດາເງື່ອນໄຂຕ່າງໆ ແລະ ໄດ້ຮັບໃບຢັ້ງຢືນ. ຜົນປະໂຫຍດອື່ນໆ ໃນການເຂົ້າເປັນສະມາຊິກທີ່ຜ່ານການຢັ້ງຢືນຄວາມຍືນຍົງໄດ້ແກ່:
- ເຂົ້າເຖິງກຸ່ມລູກຄ້າທີ່ໃສ່ໃຈຕໍ່ສິ່ງແວດລ້ອມ
- ຂະຫຍາຍ ແລະ ພັດທະນາທຸລະກິດຂອງທ່ານດ້ວຍຄວາມຍືນຍົງ ແລະ ມີຄວາມຮັບຜິດຊອບ
- ໄດ້ຮັບການຊ່ວຍເຫຼືອດ້ານການຕະຫຼາດ
- ຊ່ວຍປັບປຸງການບໍລິຫານພາຍໃນ ແລະ ຫຼຸດຜ່ອນຄ່າໃຊ້ຈ່າຍ
ເງື່ອນໄຂຫຼັກຂອງໃບຢັ້ງຢືນ ລາວຍືນຍາວ
ເງື່ອນໄຂ ລາວຍືນຍາວ ຖືກດັດປັບມາຈາກເງື່ອນໄຂ Travelife ເພື່ອໃຫ້ເໝາະສົມແກ່ທຸລະກິດຂະໜາດນ້ອຍໃນລາວ ໂດຍອີງຕາມຫຼັກການຕ່າງໆ ເຫຼົ່ານີ້:
ເງື່ອນໄຂເຫຼົ່ານີ້ໄດ້ຜ່ານການພັດທະນາ ແລະ ປັບປຸງຜ່ານການປຶກສາຫາລືຮ່ວມກັບທຸລະກິດໃນຂະແໜງການທ່ອງທ່ຽວ:
- ຄົມມະນາຄົມຂົນສົ່ງ ມີ 35 ເງື່ອນໄຂບັງຄັບ ແລະ 6 ເງື່ອນໄຂສະໝັກໃຈ
- ອາຫານ ແລະ ເຄື່ອງດື່ມ ມີ 28 ເງື່ອນໄຂບັງຄັບ ແລະ 9 ເງື່ອນໄຂສະໝັກໃຈ
- ຫັດຖະກຳ ແລະ ເຄື່ອງທີ່ລະນຶກ ມີ 29 ເງື່ອນໄຂບັງຄັບ ແລະ 10 ເງື່ອນໄຂສະໝັກໃຈ
- ການທ່ອງທ່ຽວທາງດ້ານວັດທະນະທຳ ມີ 54 ເງື່ອນໄຂບັງຄັບ ແລະ 6 ເງື່ອນໄຂສະໝັກໃຈ
ສຳລັບຂໍ້ມູນເພີ່ມເຕີມ ສາມາດກວດເບິ່ງໄດ້ທີ່ແຫຼ່ງຂໍ້ມູນດ້ານລຸ່ມ
ແຫຼ່ງຂໍ້ມູນ
ສຶກສາຂໍ້ມູນໃບຢັ້ງຢືນ ລາວຍືນຍາວ ຜ່ານເອກະສານເຫຼົ່ານີ້ ໂດຍແບ່ງຕາມປະເພດຂອງທຸລະກິດ. ແລະ ຂໍ້ມູນເພີ່ມເຕີມສາມາດຊອກໄດ້ທີ່ ບ່ອນນີ້.
ທຸລະກິດທີ່ຜ່ານການຢັ້ງຢືນລາວຍືນຍາວ
ທ່ານສາມາດຊອກຫາທຸລະກິດທີ່ໄດ້ຮັບໃບຢັ້ງຢືນ ລາວຍືນຍາວ 63 ຫົວໜ່ວຍ ໄດ້ທາງດ້ານລຸ່ມ. ໂດຍສາມາດເລືອກແບ່ງເປັນແຂວງ ແລະ ປະເພດຂອງທຸລະກິດ.
